Kəhrəba — bu yalnız bir daş deyil, zamana hopmuş bir tarixdir. Təxminən 30–90 milyon il əvvəl qədim şam ağaclarının ifraz etdiyi qatran sərtləşərək bu gün tanıdığımız kəhrəbaya çevrilmişdir. Bəzən onun içində qədim dövrlərə aid böcək və bitki qalıqlarını görmək mümkündür — təbiətin yaddaşı kimi.

Parlaq bal rəngindən tutmuş tünd qəhvəyiyə, yaşıl və nadir hallarda mavi çalarlara qədər fərqli tonlarda rast gəlinən kəhrəba həm estetik, həm də enerjisi ilə seçilir. Yüngül və isti toxunuşlu olması, onu əsrlər boyu sevilən zinət əşyasına çevirib.

✦ Kəhrəbanın xüsusiyyətləri:
Təbii mənbəyi– minerallar deyil, fosilləşmiş qatrandır.

İstilik və yüngüllük – toxunuşda isti, taxıldıqda rahatdır.

Şəfa və enerji daşı – qədimdə boğaz, revmatizm və sinir sisteminə faydalı sayılırdı.

Unikalquruluşa malikdir.

Kəhrəba – keçmişlə bu gün arasında qurulan təbii bir körpüdür. Onu əlinizdə tutduqda, əslində milyon illərin sehrinə toxunursunuz.